Search This Blog

Tuesday, October 3, 2017

'जय महाराष्‍ट्र'मध्ये आज राज्य निवडणूक आयुक्त

'जय महाराष्‍ट्र'मध्ये आज
राज्य निवडणूक आयुक्त
            मुंबई, दि. 3:  माहिती व जनसंपर्क महासंचालनालय निर्मित सह्याद्री वाहिनीवरील 'जय महाराष्ट्र' कार्यक्रमात राज्य निवडणूक आयुक्त ज. स. सहारिया यांची आज (ता. 3) सायंकाळी 7.30 वाजता मुलाखत प्रसारित होणार आहे.
         'नांदेड- वाघाळा महानगरपालिका आणि राज्यभरातील ग्रामपंचायत निवडणुकांची तयारी' हा मुलाखतीचा विषय आहे. ज्येष्ठ पत्रकार पद्मभूषण देशपांडे यांनी ही मुलाखत घेतली आहे. उमेदवारांसाठी नवी खर्च मर्यादा, मतदान जागृती, आधुनिक तंत्रज्ञानाचा वापर, नांदेड- वाघाळा महानगरपालिकेत व्हीव्हीपॅटचा प्रायोगिक तत्वांवरील वापर आदींबाबत श्री. सहारिया यांनी मुलाखतीत तपशीलवार माहिती दिली आहे.